Komunjoni
Hemm qegħdin magħna.
Huma bnedmin bħalna.
Huma ħutna, Mulej!
U aħna nħokku, immissu magħhom
u niltaqgħu magħhom
kull ħin ta’ kull jum!
Jokorbu. Jisktu.
Jittalbu. Jistennew bis-sabar kollu.
Jistennew sa ma jitherrew
u kull ma jifdlilhom
hu ftit tama.
Huma ċkejknin, Mulej,
u min jista’ jarahom, Mulej,
u min jista’ jismagħhom, Mulej?
Imma jekk huma
bl-umiltà kollha
jkunu miftuħin għalik, Mulej,
int tmur tgħammar fihom.
Għalhekk il-preżenza tiegħek
tkun tidher fostna
f’wiċċhom u f’ġisimhom.
Fihom int tidher quddiem għajnejna
u minna tistenna l-imħabba tagħna!
Huma jsiru l-preżenza reali tiegħek
u aħna nikkomunikaw magħhom,
insostnuhom, inlibbsuhom,
inżuruhom, nilqgħuhom,
nitqabdu u nitkellmu f’isimhom,
ngħinuhom jerġgħu jiġbru ġiehhom,
u npoġġuhom fuq saqajhom
bid-dinjità kollha tagħhom umana u divina.